Жаҳон чемпионати. Исматова рақибасини нокаутга учратди

Ушбу мусобақада илк маротаба Ўзбекистон терма жамоаси тўлиқ таркибда иштирок этяпти. Жаҳон чемпионатининг ортда қолган икки кунида рингга кўтарилган беш боксчимиздан фақат бир нафаригина иккинчи даврага йўл олди. 

+81 кг вазнда рингга кўтарилган Гўзал Исматова венгриялик Адриен Жунашни иккинчи раундда техник нокаутга учратди ва кейинги босқичга йўл олди. 

-48 кг вазндаги боксчимиз Гуласал Султоналиева кореялик Чо Ронг Бакка 0:5 ҳисобида ютқазиб, мусобақадаги иштирокини якунлади. 

-69 кг вазн тоифасида юртимиз шарафини ҳимоя қилаётган Мафтунахон Мелиева шотландиялик Меган Рейдга 0:5 ҳисобида имкониятни бой бериб қўйди. 

-75 кг вазндаги вакиламиз Эъзозахон Мелиева муросасиз кечган биринчи давра баҳсида мозамбиклик Адосинда Граманга 2:3 ҳисобида ютқазди. Ирландия, Аргентина ва польшалик ҳакамлар Адосиндага, Руминия ва германиялик ҳакамлар эса Эъзозахонга ғалабани тақдим этишган. 

Маълумот учун, ушбу жаҳон чемпионатида ҳамюртларимиздан Александр Ҳамидов ҳакамлик қиляпти. У шу кунгача ўндан зиёд жангларда ҳакамлик қилишга муваффақ бўлди.