Жаҳон чемпионати. Собиржон Каримов терма жамоамизга илк медални тақдим этди

Мусобақада дунёнинг 61 давлатидан 18 ёшгача бўлгар жами 463 нафар дзюдочи жаҳон чемпионати медаллари учун татамига чиқади. Улар орасида Ўзбекистон кадетлар терма жамоаси ҳам бор. Баҳслар жами 16 та вазн (8 та ўғил болалар, 8 та қизлар) тоифасида ўтказилади.

Жаҳон чемпионатининг биринчи кунги баҳсларида ҳамюртларимиздан Собиржон Каримов муваффақиятли тарзда иштирок этиб, терма жамоамизга илк медални тақдим этди. -55 кг вазн тоифасида юртимиз шарафини ҳимоя қилган Собиржон бронза медалига сазовор бўлди. 

Дзюдочимиз португалиялик Мигель Гаго, қозоғистонлик Кайирбек Жунисбекни мағлубиятга учратди. Чорак финалда эса япониялик Юма Сатога имкониятни бой бериб қўйди. Ўтиш баҳсида мўғулистонлик Баттсенгел Хоролсурен, бронза медали учун кечган беллашувда эса украиналик Владислав Колобовни таслим этди.   

-55 кг вазн тоифаси

1. Чонг-Ю Лин (Хитой Тайпейи)

2. Юма Сато (Япония)

3. Собиржон Каримов (Ўзбекистон)

3. Винченцо Скендери (Италия)