Жаҳон чемпионати якунланди, энг яхши натижамиз - чорак финал! ФОТО

Жами 10та вазн тоифасида ўтказилган жаҳон чемпионатида Хитой терма жамоаси умумжамоа ҳисобида биринчи ўринни эгаллади. Чин юрти вакилалаи 4та вазн тоифасида олтин медални қўлга киритишди. 

Хитой Тайпейи 2та олтин медал билан иккинчи ўринни эгаллади. Биттадан жаҳон чемпионига эга Ҳиндистон, КХДР, Германия ва Ирландия терма жамоалари кейинги ўринларни банд этишди. 

Эътиборга молик жиҳати шундаки, ҳиндистонлик Мэри Ком -48 кг вазн тоифасида 6 карра жаҳон чемпионига айланди. Айнан унинг ўзи Деҳлидаги жаҳон чемпионатининг энг яхши боксчиси деб ҳам топилди. 

Эслатиб ўтамиз, бу галги жаҳон чемпионатида Ўзбекистон терма жамоаси илк маротаба тўлиқ таркибда иштирок этди. Ҳамюртларимизнинг энг яхши натижаси - бу чорак финал босқичи бўлди. 

Барча вазн чемпионлари:

-48 кг: Мэри Ком (Ҳиндистон)

-51 кг: Чол Ми Панг (КХДР)

-54 кг: Йу-Тинг Лу (Хитой Тайпейи)

-57 кг: Орнелла Вахнер (Германия)

-60 кг: Келли Харригтон (Ирландия)

-64 кг: Дан Доу (Хитой)

-69 кг: Ниен-Чин Чен (Хитой Тайпейи)

-75 кг: Ксиан Ли (Хитой)

-81 кг: Лина Ванг (Хитой)

+81 кг: Ксиаоли Янг (Хитой)

Номинация бўйича энг яхшилар:

Энг яхши боксчи – Мэри Ком (Ҳиндистон)

Энг яхши жамоа – Хитой

Энг яхши мураббий – Лиам Болгер (Германия)