Жаҳон чемпионатида 16та медал қўлга киритилди, 2таси олтин

Россия, Болгария, Марокаш, Франция, Голландия, Германия, Канада, Сербия, Италия, Бельгия, Коста-Рика, Испания, Хорватия каби дунёнинг 30дан зиёд давлатидан 374 нафар самбочи иштирок этган жаҳон чемпионатида Ўзбекистон терма жамоасининг 25 нафар аъзоси ҳам медаллар учун баҳс олиб борди.

Ўсмир ва ёшларимиз якунда 16та медални қўлга киритишди. Шулардан 2таси олтин, 3таси кумуш, 11таси бронза медалидир. Ўзбекистон ёшлар терма жамоаси умумжамоа ҳисобида учинчи ўринни эгаллади. Россия биринчи, Грузия терма жамоаси иккинчи бўлди.

Эътиборлиси, Ўзбекистон самбоси тарихида ҳали ўсмирлар ўртасидаги жаҳон чемпионатида олтин медал қўлга киритилмаган эди. Қўлга киритилган умумий 16та медалдан 7тасини қизларимиз терма жамоамизга тақдим этишди. Қизларга тегишли медаллардан 3таси кумуш, 4таси эса бронза медалидир.

68 кг

1. Холмаматов Фазлиддин (Ўзбекистон)

2. Харьков Иван (Болгария)

3. Нагорный Алег (Беларусь)

3. Негмет Серикбай (Қозоғистон)

60 кг 

1. Мўминов Убайдулло (Ўзбекистан) 

2. Дзямко-Гамулец Роман (Россия)

3. Абдеков Дамир (Қозоғистон) 

3.  Хергиани Иракли (Грузия)