10 окт 15:36
Янгиликлар

Дзюдо

Жаҳон чемпионатидаги иштирокимизни 2 та медаль билан якунладик

Италиянинг Олбия шаҳрида давом этаётган ёшлар ўртасидаги жаҳон чемпионати Ўзбекистон терма жамоаси учун якунланди.

Хабар берганимиздек, бугун жамоавий баҳсларнинг илк даврасида терма жамоамиз германиялик дзюдочиларга қарши баҳс олиб боришлари керак эди. Афсуски, ушбу беллашувда олмонларнинг қўли баланд келди. Дастлабки тўртта беллашувда ғалаба қозонган германияликлар кейинги босқичга йўл олишди.

Шу тариқа, Улуғбек Азизов мураббийлигидаги Ўзбекистон ёшлар терма жамоаси жаҳон чемпионатидаги иштирокини 1 та кумуш ва 1 та бронза медали билан якунлади. Ёшларимиз ўз иштироклари билан катталар терма жамоасига муносиб рақобат қила олишларини исботлашди.