13 ноя 10:10
Янгиликлар
Жаҳон чемпионатининг илк куни 7та медал қўлга киритилди, 4таси олтин
Дунёнинг элликка яқин давлати ёш полвонлари (қизлар ва болалар) жами 14та вазн тоифасида медаллар учун баҳс олиб боришяпти. Улар орасида Ўзбекистон терма жамоаси аъзолари ҳам бор.
Мурод Дўсимбетов ва Олим Равшанов мураббийлигидаги терма жамоамиз таркибидан 13 нафар курашчимиз жой олган. Жаҳон чемпионатининг илк куни курашчиларимиздан 66 кг вазн тоифасида Руслан Бўриев, 66кг вазнда Шаҳрам Аҳадов, 73кг.да Раҳматулло Нуриддинов олтин медални қўлга киритди.
Қизлар ўртасидаги мусобақанинг 78кг вазн тоифасида гиламга чиққан Раҳима Йўлдошева барча рақибаларини мағлубиятга учратиб, жаҳон чемпиони деган шарафли номга сазовор бўлди.
Ўғил болалар ўртасида баҳсларнинг 60 кг вазн тоифасида иштирок этган Абдулазиз Ҳамроев, 73кг вазнда Садам Аҳмедов кумуш медалга сазовор бўлди. 87кг вазндаги Арофат Абдураҳмонова эса бронза медали билан тақдирланди.
Фикрлар