01 окт 18:57
Янгиликлар

Дзюдо

Жаҳон чемпионатининг жамоавий микс баҳсларида 17 давлат иштирок этадиган бўлди

Пойтахтимиз мезбонлик қиладиган дзюдо бўйича катталар ўртасидаги жаҳон чемпионатининг сўнгги куни (13 октябрь) жамоавий микс баҳслари ўтказилади.

Ушбу беллашувларда дунёнинг 17 давлати терма жамоалари (280 нафар умумий иштирокчилар сони, 170 эркак, 110 аёл) медаллар учун татамига чиқади ва табиийки улар орасида Ўзбекистон ҳам бўлади. Ўтган йили Венгриянинг Будапешт шаҳрида ўтган жаҳон чемпионатининг жамоавий микс баҳсларида Ўзбекистон тарихда илк бор бронза медалига эга чиққанди.

Жамоавий микс мусобақаси иштирокчилари: Австрия, Бельгия, Бразилия, Куба, Доминикан Республикаси, Франция, Грузия, IJF байроғи остидаги жамоа, Исроил, Япония, Қозоғистон, Мўғулистон, Нидерландия, Хитой, Жанубий Корея, Украина, ЎЗБЕКИСТОН.