UZ

Сўнгги янгиликлар

18:41Белбоғли кураш. Кучлилар Фарғонада аниқланди 0 18:10Майкл Моралес: "Махачевдаги камарни Эквадорга олиб кетаман" 0 17:39"Реал Мадрид" етакчиси билан янги шартнома имзолади 0 17:08"Хабиб фаолиятини якунлаётганида унга қўлимдан келган барча нарсани таклиф қилганман" - Дана Уайт 0 16:37Дана Уайт ташкил этмоқчи бўлган жангларни санаб берди 0 16:04Спорт курашлари бўйича Ўзбекистон чемпионати якунланди 0 15:33Афсонавий Роналдиньо профессионал футболга қайтиши сабабини ошкор қилди 0 15:02ММА жамоатчилигининг Харрисон - Нуньес жангига муносабати: "Тарихдаги энг ёмон режа" 0 14:31UFC 334 турнирининг бонус соҳиблари эълон қилинди 0 14:00Мераб Двалишвили "ишкалдаги дўсти" Саба Лазишвилига UFC томонидан шартнома таклиф этилганини айтди 0 13:29Банклар "Манчестер Сити"ни молиялаштиришдан бош тортмоқда 0 12:58Арман Царукян PFL ва Bellator жангчисига қарши баҳс олиб борди 0 12:27Zagreb Grand Prix 2026. Бугун Давлат Бобоновга мухлислик қиламиз! 0 11:56Чемпионлар камарини муваффақиятли ҳимоя қилган UFC 334 турнирининг барча натижалари 0 11:25Жезуш Португалиянинг Даниядан йирик ҳисобда мағлуб бўлиши сабабларини айтди 0

28 сен 18:39
Янгиликлар

Спорт курашлари

Жаҳон чемпиони Айтжан Халмаханов: "Лос-Анжелесдан ҳам олтин медал билан қайтамиз"

Ўзбекистон МОҚ ахборот хизмати 24 йиллик танаффусдан кейин юнон-рум кураши бўйича ЖЧда ўзбекистонликлар орасида биринчи бўлиб ғолиб бўлган 19 ёшли Айтжан Халмаханов билан интервью уюштирди.

– 24 йил кутилган чемпионлик Сизга насиб қилди. Мусобақадан кейинги ҳиссиётлар қандай?

– Мана шундай аҳамиятли олтин медални қўлга киритганимдан жуда хурсандман. Буни тасвирлаш қийин. Биз бу мусобақага 1-йил қаттиқ тайёрландик. Меҳнатимиз самарасини кўриш насиб қилди. Афсуски, жамоамиздаги қолган акаларимга озгина омад етишмади. Бу билан тўхтаб қолмаймиз. Кейинги сафар улар ҳам чемпион бўлиб қайтишларига ишонаман.

– Рустам Ассакалов терма жамоада нималарни ўзгартирди? Унинг ишлаш услуби қандай?

– Мураббийимиз меҳнаткаш, жуда ҳам ақлли инсон. Барчамизни ўз фарзандидек кўради. Доим қўллаб-қувватлаб, мотивация бериб келади. Рустам ака 2024-йил октябрь ойида мураббийликка келган бўлса, ортда қолган 1-йил катта натижалар кўрсата олдик. Осиё чемпионатида умумжамоа ҳисобида иккинчи, жаҳон чемпионатида эса учинчи бўлдик. Бундай натижа ҳамма мураббийнинг ҳам қўлидан келмасди.

– Афсуски, сиз курашадиган -63 кг Олимпия вазн тоифаси эмас. Лос-Анжелес-2028 Олимпиадасига қайси вазнда тайёрланасиз?

– Ҳа, -63 кг Олимпия вазни эмас. Бўлажак Олимпиадага -67 кг вазн тоифасида тайёргарлик кўраман. Табиий вазним каттароқ бўлгани учун -60 кгга вазн қайтара олмайман. Насиб бўлса, мураббийларим билан Лос-Анжелесдан ҳам олтин медал билан қайтамиз.

– Баъзи курашчиларнинг омади келиб, ёшлигидаги кумири билан мусобақада тўқнаш келиб қолади. Сиз кумирингиз билан ҳеч тўқнаш келганмисиз?

– Мен ҳавас қиладиган 2 курашчи Қирғизистондан: Жоломан Шаршенбеков ва Акжол Маҳмудов. Асосий усулимни Шаршенбековга ҳавас қилиб ишлаганман. У билан тез орада тўқнаш келиб қолсак керак. Бу кунни сабрсизлик билан кутяпман. Маҳмудовнинг курашидан эса мотивация оламан. Загребда финалдан олдин Акжол чемпион бўлишимга ишонишини айтди. Бу қўллов менга куч берди.

Рейтинг: +1   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг