Жалолов нима учун кучсиз рақибларга қарши жанг ўтказаётганини айтди

Супероғир вазн тоифасидаги ҳамюртимиз АҚШнинг Калифорния штати Ла Пуэнте шаҳридаги Industry Hills Expo Center мажмуасида америкалик Валентин Маркесни биринчи раунднинг ўзида нокаутга учратди. Жангдан сўнг Баҳодир ўз таассуротлари билан ўртоқлашди.

- Ҳа, ҳозирча кучсизроқ рақиблар билан жанг ўтказяпман. Бу промоутер ва мураббийларимнинг талаби. Профессионал бокс ҳаваскор боксдан кескин фарқ қилади. Талаб даражасидаги спорт формасига эга бўлиб олиш учун маълум вақт керак. 

Табиийки, бу жанглар орқали тажриба ҳам ортиб боради. Бундан кейинги жанглардаги рақибларим кучли бўлиб бораверади. Кучли боксчилар билан жанг қилиш учун эса керакли рейтингга ҳам эга бўлиб лозим. Ҳали ҳаммаси яхши бўлади. Ишончингизни оқлаш учун ҳаракат қиляпман, - деди Жалолов.