11 ноя 12:15
Янгиликлар
Бокс/ММА
Жангга бир кун қолганида Мюрейнинг рақиби яна ўзгарди, Чудиновдан вирус чиқди
Британиялик 34 ёшли Мартин Мюррей (33-4-1, 16КО)нинг рақиби яна ўзгарди.
Мюррей аввалига икки вазн тоифасида собиқ жаҳон чемпиони Артур Абрахам билан жанг қилиши керак эди. Лекин германиялик 36 ёшли боксчи машғулот чоғида жароҳат олгани сабаб, Мартиннинг рақиби ўзгарганди.
Эътиборга молик жиҳати шундаки, жангга бир кун қолганда британиялик боксчининг россиялик 30 ёшли рақиби Дмитрий Чудинов ҳам сафдан чиқди. Аниқроғи, Чудиновда вирус аниқланганлиги боис шифокорлар россиялик боксчига жанг қилиш учун рухсат беришмади.
Энди Мартин Мюррей эртага 12 ноябрь куни Монакода мағлубият нималигини билмай келаётган, асли келиб чиқиши нигериялик, лекин ҳозирда Германия байроғи остида жангларини ўтказаётган Нуху Лавал (23-0, 13КО)га қарши рингга кўтарилади.
Ҳавола :
Манба : allboxing.ru
Фикрлар