12 май 17:27
Янгиликлар

Теннис

Жасмине Паолини учун Рим "таътиллари" тугади

Сайёрамизнинг 12-ракеткаси Жасмине Паолини ўз ватанида ўтказилаётган WTA 1000 тоифасига кирувчи турнирдаги иштирокини якунлади.

Италиялик теннис маликаси иккинчи даврада WTA рейтингида роппа-роса 80-поғонадан жой олган мисрлик Маяр Шерифга уч сет натижасига кўра ютқазиб қўйди - 6/7(4), 6/2, 4/6. Эҳромлар юрти вакиласи теннисчиларнинг ўзаро учрашувларида олдинда бормоқда - 2:0.

Икки соату 42 дақиқа давом этган баҳсда иккала теннисчи ҳам 1 тадан эйс зарбасини амалга оширишди. Қўшхатолар Шерифга кўпроқ бўлди - 5 га 3. Паолини 7, Маяр 6 та брейкка эришган. Энди Шериф 1/16 финалда Виктория Азаренкога қарши кортга чиқади. Беларуслик теннисчи иккинчи даврада польшалик Магда Линеттдан устун келди - 6/7(5), 6/4, 6/4.