30 авг 07:39
Янгиликлар
Футбол
ЖЧ-2018. Саралаш босқичи. БАА иродали ғалабага эришди
Жаҳон чемпионати саралаш босқичи Оcиё минтақасида қатнашаётган жамоалар 9-тур учрашувларини бошлашди.
Осиё минтақасининг “В” гуруҳида иштирок этаётган БАА терма жамоаси ўз майдонида Саудия Арабистони термаси устидан иродали ғалабага эришди. Учрашувнинг 20-дақиқасида меҳмонлар ҳисобни очган бўлишларига қарамай, мезбонлар тезда ўзларига келишди.
Аҳмад Мабхут қанотдан узатиб берилган тўпни ажойиб тарзда ўзига тўғрилаб олди ва қойилмақом тарзда мувозанатни тиклади. Иккинчи бўлимда Аҳмад Халил узоқ масофадан кучли зарбаси билан жамоасини ҳисобда олдинги олиб чиқди – 2:1.
Якунда 2:1 ҳисобида ғалабага эришган БАА футболчилари очколари сонини 13 тага етказишди ва ўз гуруҳларида тўртинчи поғонани банд этиб туришибди. Саудияликлар ҳисобида эса 16 очко мавжуд ва улар гуруҳ пешқадами Япониядан бир очко ортда қолган ҳолда иккинчи поғонадан жой олган.
Ҳавола :
Фикрлар