13 май 16:20
Янгиликлар

Бокс/ММА

Жессика Андраде: Намаюнасга реванш беришга тайёрман

Енгил вазнда янги UFC чемпиони Жессика Андраде эндиликда собиқ жаҳон чемпиони Роуз Намаюнасга реванш бермоқчи.

Жессика якшанба тонгида Роузни биринчи раунддаёқ техник нокаутга учратиб, енгил вазнда янги жаҳон чемпионига айланган эди.

"UFC катта эҳтимол билан реванш жангини ташкил қилишга ҳаракат қилади. Мен реваншга тайёрман. Ҳақли равишда ғалаба қозонганимни яна бир маротаба амалда исботламоқчиман.

Иккинчи жангда янада кучлироқ бўламан. Роуз қўлда тезкорлик билан зарба бера олади. Жангга шуни олдиндан билган ҳолда ҳозирлик кўргандим. Иккинчи раундда рақиб темпни пасайтирди. Мен эса бундан фойдаланиб қолдим", - деди Жессика Андраде.