Жейк Пол Илия Топурияга ўз хизматини таклиф қилди

Жейк Топурияга боксдан сабоқ бермоқчи бўляпти. Ўз ўрнида испаниялик аралаш яккакураш устаси ҳам Эйдин Росснинг жонли эфирида Полга қўнғироқ қилиб, боксдан спарринг ўтказишга келишиб олган.

"Омма олдида жонли эфирда улар ҳамма нарсага рози эканликларини айтишади, лекин ишга келганда ҳеч нарса чиқмайди, - деди Пол Complex News нашрига Топурия билан спарринг ҳақида гапириб. — Кўрамиз. Мен уни ҳурмат қиламан. Аммо бокс жангими? Бу мен учун шунчаки чигалёзди машқлари, агар ҳазиллашмасак. MMA қоидаларига кўра, у ғалаба қозониши мумкин".

Ҳозирда Топурия UFC’да 70 кг гача вазн тоифасида, Жейк Пол эса асосан 91 кг гача вазнда жанг қилмоқда. Лекин бу устунликсиз ҳам америкалик блогер Топурия ўзининг бокс маҳоратини ҳаддан ташқари ошириб юбораётганига амин.

"Тўғрисини айтсам, бу жангчиларнинг бари ҳаддан ташқари мақтанчоқ ва бутун дунёга ўзларини ҳақиқатдан ҳам яхши эканликларини кўрсатишга уринмоқда, — дея қўшимча қилди Пол. — Аммо келинг, ҳақиқатни аниқлайлик. Бундан ташқари, унинг бўйи 1,7 м. Агар бир хил вазнда бўлганимизда, у яхши зарба берарди. Бир хил бўйли бўлса, жанг яқинроқ бўларди. Барибир ғалаба қозонган бўлардим. Бу бола мен учун жуда кичкина".