18 апр 09:01
Янгиликлар
Баскетбол
Жейсон Тейтумнинг очкоси "Бостон Селтикс"га "Бруклин Нетс" устидан ғалаба келтирди
Бостондаги "TD Garden" аренада NBA плей-офф cериясининг Шарқий конференцияси 1/8 финал босқичининг биринчи ўйини бўлиб ўтди.
Унда "Бостон Селтикс" жамоаси "Бруклин Нетс"ни қабул қилди. Учрашув 115:114 ҳисобида мезбонлар фойдасига ҳал бўлди. Жамоалар биринчи бўлимни дуранг билан якунлаб, 57:57 ҳисобида танаффусга чиқиб кетишди. Учинчи чоракда мезбонлар 11 очколик устунликни таъминладилар, аммо сўнгги ўн икки дақиқаликда "Бруклин" аввалига ҳисобни тенглаштиришга муваффақ бўлди, кейин эса олдинга чиқиб олди.
Учрашув натижасини Жейсон Тейтум ҳал қилди, у ўйин якунида икки очко жамғарди ва ўз жамоасига сериядаги биринчи ғалабани келтирди. Баҳснинг энг сермаҳсул ўйинчиси Кайри Ирвинг бўлди, у 39 очко жамғарди. "Бостон"да Тейтум 31 очко билан энг яхши баскетболчи бўлди.
Ҳавола :
Манба : championat.com
Фикрлар