Жиддий чорлов! Тайсон Фьюри Жошуага “вызов” ташлади

Британиялик собиқ жаҳон чемпиони айни пайтда бир йўла тўртта жаҳон чемпионлик камарларини ўзида сақлаб турган енгилмас Энтони Жошуанинг рингга чорлади.

“Биз Буюк Британияга мамлакат бокс тарихидаги энг катта жангни олиб келишимиз керак. Бу мен ва Жошуа иштирокидаги жанг. Мамлакат ҳам буни хоҳламоқда, табиийки мен ҳам. Бу жангни биргина Жошуанинг жамоаси истамаяпти”, - деди Фьюри “Good Morning Britain”га берган интервьюсида. 

Эслатиб ўтамиз, якшанба тонгида Тайсон Фьюри шов-шувли тарзда америкалик жаҳон чемпиони Деонтей Уайлдер билан дуранг натижа қайд этган эди.