21 май 09:58
Янгиликлар
Велоспорт
Жиро Д'Италия. Дюмулен 14-босқич ғолиби ва умумий гуруҳ пешқадами
Италия йўллари бўйлаб давом этаётган нуфузли Жиро д’Италия кўпкунлик велопойга мусобақаси ўзининг ҳал қилувчи палласига кирди.
Голландиялик велопойгачи Том Дюмулен мусобақанинг 14-босқичи ғолибига айланди. Sunweb жамоаси аъзоси бўлган Дюмулен белгиланган 131 км масофани 3 соату 2 дақиқа 3 сонияда босиб ўтди.
Иккинчи ўринни россиялик спортчи Илнур Закарин банд этди. Katusha-Alpecin жамоаси аъзоси пешқадамдан 3 сонияга ортда қолди. Кучли учликка Томдан 9 сонияга кечиккан испаниялик Микел Ланда якун ясади.
Дюмулен ушбу ғалабаси эвазига умумий босқич якунларига кўра пешқадамлигини ҳам мустаҳкамлаб олди. Иккинчи ўринда колумбиялик Наиро Кинтана бормоқда. Франциялик Тибо Пино учинчи поғонадан жой олган.
Ҳавола :
Фикрлар