08 июл 11:05
Янгиликлар

Велоспорт

Жиро д'Италия. Италиялик велопойгачи кома ҳолатига тушиб қолди

Италиялик велопойгачи Клаудия Кретти Жиро д'Италия кўпкунлик мусобақаси доирасидаги пойгада мувозанатни йўқотиб йиқилиб тушганди. Айни пайтда спортчи кома ҳолатида қолмоқда.

La Gazzetta dello Sport нашрининг хабар беришича, пойганинг еттинчи босқичида қатнашаётган Кретти соатига 90 км тезликда кетаётиб йўл четидаги тўсиққа боши билан урилган.

Зудлик билан касалхонага етказилган Клаудияни шифокорлар 6 соат давомида операция қилишган. Унинг ҳозирги ҳолати ҳамон оғирлигича қоляпти, лекин шифокорлар вазиятнинг ижобий томонга ўзгаришига умид боғлашмоқда.