Жокович 10-марта Australian Open ярим финалига чиқди. У ҳар доим бу босқичга чиқиш орқали чемпионликни қўлга киритган

Учрашув Мельбурндаги марказий кортда, «Род Лэйвер Арена»да бўлиб ўтди. Жокович уч сетда 6/1, 6/2, 6/4 ҳисобида рақибидан устун келди.

35 ёшли сербиялик теннисчи фаолияти давомида 10-марта Австралия очиқ чемпионатининг ярим финалига чиқди. Жокович финалга чиққан йилларнинг барчасида ғалаба қозонган. Новак 2008, 2011, 2012, 2013, 2015, 2016, 2019, 2020, 2021 йилларда Australian Open ғолибига айланган. Сўнгги финалда Жокович россиялик Даниил Медведевни 7/5, 6/2, 6/2 ҳисобида мағлуб этганди.

Жокович 2023 йилги мусобақанинг ярим финалида америкалик теннисчи Томми Полга қарши баҳс олиб боради.