13 июл 10:41
Янгиликлар

Теннис

Жокович фаолиятида 10-маротаба Уимблдон финалида ўйнайди

Лондон шаҳрида теннис бўйича "Катта Дубулға" туркумига кирувчи турнир давом этмоқда.

Эркаклар ўртасидаги мусобақанинг яккалик баҳсларида финалчилар аниқланди. Дунёнинг иккинчи ракеткаси Новак Жокович 1/2 финалда ATP рейтингида 25-поғонада бораётган италиялик Лоренцо Музеттини уч сет натижасига кўра бироз қийинчилик билан мағлубиятга учратди - 6/4, 7/6(2), 6/4.

Теннисчиларнинг ўзаро учрашувларида сербиялик мутлақ устунлик билан олдинда бормоқда. Икки соату 48 дақиқа давом этган баҳсда Жокович 6, Музетти 2 та эйс зарбасини амалга оширган. Қўшхатолар Новакда кўпроқ бўлди - 4 га 1. Брейклар бўйича устунлик ҳам Жокович томонида бўлди - 4 га 2!

Сербиялик тажрибали теннисчи фаолиятида 37-маротаба "Катта Дубулға" турнирлари финалида ўйнайди.