01 дек 10:21
Янгиликлар

Теннис

Жокович икки ҳафта аввал фаолиятини тугатган теннисчини ўзига мураббий қилиб олди

Дунёнинг собиқ биринчи ракеткаси сербиялик Новак Жокович кенг оммага ўзининг янги мураббийини таништирди.

Ўз вақтида дунёнинг саккизинчи ракеткаси даражасигача кўтарилган ва бундан икки ҳафта аввал профессионал теннисчилик фаолиятини якунлаган Радек Штепанек Жокович билан ҳамкорлик қилади.

Чехиялик 39 ёшли Штепанек сербиялик теннисчининг иккинчи мураббийи бўлади. Бош мураббий вазифасини Андре Агасси бажаради. Америкалик теннис афсонаси бўлган Агасси Жокович билан шу йилнинг май ойидан бери ишлаб келяпти.