Жокович иштирокидаги "Уимблдон" турнирининг финал баҳси якунланди

Ҳозиргина сербиялик Новак Жокович ҳамда австралиялик Ник Киргиос ўртасидаги ҳал қилувчи финал учрашуви ниҳоясига етди. Уч соату 4 дақиқа давом этган баҳсда дунёнинг учинчи ракеткаси бўлиб турган Новак ATP рейтингида роппа-роса 40-поғонада бораётган Никни 4/6, 6/3, 6/4, 7/6(3) ҳисобида мағлубиятга учратди.

Учрашув давомида Жокович 15, Киргиос эса 30 та эйс зарбасини амалга оширган. Ҳар иккала теннис юлдузи ҳам 7 тадан қўшхатога йўл қўйишди. Теннисчиларнинг ўзаро учрашувларидаги ҳисоб қисқарди - 1:2.