10 янв 11:57
Янгиликлар

Теннис

Жокович Куйонгдаги кўргазмали турнирда Тимни мағлуб этди

Дунёнинг собиқ биринчи ракеткаси Новак Жокович Австралиянинг Куйонг шаҳрида ўтказилаётган кўргазмали турнирда австриялик Доминик Тимга қарши кортга чиқди.

Бир соату 4 дақиқа давом этган баҳсда сербиялик теннисчи рақибини 6:1, 6:4 ҳисобида мағлуб этди. Жокович жароҳати туфайли Абу-Даби ва Доҳадаги турнирларда иштирок эта олмаганди.

Куйонгдаги кўргазмали турнирнинг иккинчи қарама-қаршилигида хорватиялик Марин Чилич австралиялик Мэттью Эбденга 7:6 (7:3), 4:6, 5:7 ҳисобида имкониятни бой берди.

Аёллар ўртасидаги ягона учрашувда эса швейцариялик Белинда Бенчич хитойлик Синьюй Вандан 7:6 (7:5), 6:4 ҳисобида устун келди.