25 июн 09:23
Янгиликлар

Теннис

Жокович Лондон турнири финалида Чиличга ютқазиб қўйди

Жорий йил ҳисобидан илк маротаба ATP турнири финалига чиққан Новак Жокович Лондонда якунига етган мусобақа вице-чемпионига айланди.

Сербиялик теннис юлдузи ҳал қилувчи финал учрашувида дунёнинг олтинчи ракеткаси хорватиялик Марин Чиличга 7:5, 6:7(4), 3:6 ҳисобида имкониятни бой бериб қўйди. Финал баҳси 3 дақиқаси кам 3 соат давом этди.

Кечаги финал 31 ёшли Жокович учун фаолиятидаги 99-финал бўлди. Ушбу финалларнинг 68тасида у бош мукофот соҳибига айлана олган эди. Чилич Лондондаги иштироки учун 427 590 евро мукофот пули ҳамда 500 рейтинг очкосига эга бўлди.