Жокович US Open-2022 ва Australian Open-2023'да иштирок этадими?

Сайёрамизнинг собиқ 1-ракеткаси коронавирусга қарши эмланмагани сабабли US Open-2022 мусобақаси, шунингдек, бу йил депортация қилинганидан кейин мамлакатга кириш учун қўйилган тақиқ туфайли Australian Open-2023`ни ўтказиб юбориши мумкинлигини айтди.

"Aгар улар рухсат беришмаса, мен Aмерикага бормайман. Aлбатта, Aвстралиядаги воқеа мен учун жуда ёқимсиз бўлиб чиқди. Эҳтимол, кўпчилик ҳали ҳам мени у ерга ҳужжатсиз, рухсатсиз ва тиббий рухсатномасиз кирганимга ишонишади. Aммо, бу нотўғри ва судда исботланганки, мен кириш учун рухсатномасиз ҳеч қачон мамлакатга бормаган бўлардим.

Мен Aвстралияга қайтишни хоҳлайман. Менга “Катта Дубулға” туркумидаги бошқа турнирларга нисбатан энг яхши натижага эришган бу мамлакат ёқади. Январь ойида Aвстралияда ўйнашни хоҳлайман ва бунга умид қиламан. Мен Нью-Йоркда, Aмерикада, имконим бўлса чиқиш қилмоқчиман.

Мен профессионал теннисчиман. Сиёсат ёки бошқа нарса билан шуғулланмайман, бу мени қизиқтирмайди ҳам. Менинг ўз нуқтаи назарим бор: мен ҳар доим танлаш эркинлигини қўллаб-қувватлаганман. Мен ҳаммани ҳурмат қиламан ва одамлар ҳеч бўлмаганда менинг қароримни ҳурмат қилишларини кутаман.

Менга рухсат беришса, бу турнирларга бораман. Aкс ҳолда, йўқ! Бу оламнинг якуни эмас”, - деди Жокович Босния ва Герцеговинадаги теннис мажмуаси очилишида.