24 дек 11:04
Янгиликлар

Бокс/ММА

Жонс допингга тушиб қолди, UFC эса таҳлил олган ташкилотни айблади

Аралаш қоидалар бўйича ярим оғир вазн тоифасида собиқ UFC чемпиони Жон Жонсдан шу ойда олинган допинг-таҳлил ижобий натижа берди.

Таҳлил Жонснинг қон таркибида тақиқланган туринабол моддаси борлигини кўрсатди. Айнан шу модда сабаб у 2017 йилдан 15 ойга четлатиш ҳам олган эди.

UFC компанияси Невада Спорт қўмитасининг допинг таҳлил бўйича олиб борган ишидан қониқиш ҳосил қилмади ва Жонс октагонга чиқиши керак бўлган UFC 232 турнирини Невададан Калифорнияга кўчирди.

Невада штати Спорт қўмитаси 2017 йилда худди шу сабаб билан Жонсни дисквалификация қилган эди. UFC вице-президенти Жефф Новицкийнинг айтишича, Жонсни қон таркибида аниқланган пикограммда ўлчанадиган бу модда қоиданинг бузилишига етарли миқдорда эмас.