30 окт 10:50
Янгиликлар
Теннис
Жўрабек бу ҳафта ҳам Малайзияда, у биринчи ракеткага қарши ўйнайди
Истеъдодли теннисчимиз Жўрабек Каримов бу ҳафта ҳам Малайзияда ташкил этилаётган турнирда ўз маҳоратини намойиш этади.
Жўрабек икки ҳафта мобайнида ушбу мамлакатда ўтказилган иккита турнирда қатнашиб, бирида чемпион, иккинчиси вице-чемпион бўлди. Жуфтликлар баҳсида ҳам бош мукофотга эга чиқди.
Бугундан асосий тўр баҳслари старт олувчи Куала-Лумпурдаги турнирнинг илк даврасида Каримовга жиддий рақиб рўбарў келди. Жўрабек қуръа натижасига кўра мусобақанинг биринчи ракеткаси, Хитой Тайпейи вакили Ти Ченга қарши кортга чиқади.
Таққослаш учун, Ти Чен Жўрабекдан рейтингда деярли 700 поғона юқорида жойлашган. Каримов хитойлик Аоран Вонг билан бирга турнирнинг жуфтликлар мусобақасида ҳам ўз имкониятини синовдан ўтказади.
Ҳавола :
Манба : olamsport.com
Фикрлар