20 дек 08:32
Янгиликлар

Теннис

Жўрабек Доҳа турнирининг тўртинчи ракеткасини мағлуб этди

Қатар пойтахти Доҳа шаҳрида теннис бўйича мукофот жамғармаси 15 000 АҚШ долларини ташкил қилувчи турнирнинг асосий тўр баҳслари давом этмоқда.

6th Qatar ITF Futures 2017 мусобақасида ҳамюртимиз Жўрабек Каримов ҳам иштирок этяпти. Жуфтликда чорак финалга чиққан истеъдодли теннисчимиз кеча оқшом яккаликдаги иштирокини ҳам муваффақиятли бошлади.

Жўрабек илк даврада турнирнинг тўртинчи ракеткаси франциялик Максим Хамоуга қарши кортга чиқди. Учрашувда Каримов кучли рақибини 6:2, 6:4 ҳисобида мағлуб этиб, иккинчи даврага йўл олди. Унинг чорак финал йўлидаги рақиби голландиялик Тим Ван Рийтховен бўлади.

Таққослаш учун, Жўрабек Каримов дунё рейтингида 612, Хамоу эса 344-ўринни эгаллаб турибди.