15 дек 09:51
Янгиликлар

Теннис

Жўрабек Каримов Доҳа турнири яккалигида ярим финалга чиқди

Қатар пойтахти Доҳа шаҳрида теннис бўйича мукофот жамғармаси 15 000 АҚШ долларини ташкил қилувчи турнир давом этмоқда.

“Қатар Фьючерс 5” номли мусобақанинг асосий тўр баҳсларида иштирок этаётган ҳамюртимиз Жўрабек Каримов чорак финал учрашувини ўтказди. Теннисчимизнинг рақиби германиялик Жорж ван Массов бўлди.

Бир соату 52 дақиқа давом этган баҳсда Жўрабек рақибини 6:1, 1:6, 6:1 ҳисобида мағлуб этди. Бугун Каримов ярим финалда турнир кашфиётига айланган германиялик Бенажамин Ҳассанга қарши кортга чиқади. Бу теннисчи чорак финалда турнирнинг иккинчи ракеткасини мағлуб этди.

Таққослаш учун, Жўрабек Каримов дунё рейтингида 614, унинг бугунги рақиби Бенжамин Ҳассан эса 629-ўринни эгаллаб турибди.