27 окт 08:15
Янгиликлар

Теннис

Жўрабек Каримов Малайзия турнирида ярим финалга чиқди

Шу кунларда Малайзия пойтахти Куала-Лумпур шаҳрида теннис бўйича соврин жамғармаси 15 000 АҚШ долларидан иборат бўлган турнир давом этмоқда.

“Фьючерс” туркумига кирувчи мусобақада иштирок этаётган ҳамюртимиз Жўрабек Каримов яккалик баҳсларида ярим финал йўлланмасини қўлга киритди.

Жўрабек ҳозиргина якунига етган ва 1 соату 22 дақиқа давом этган чорак финал учрашувида ҳиндистонлик Аржун Кадхени 6:1, 6:2 ҳисобида мағлуб этди. 19 ёшли Каримов дунё рейтингида 1029, 23 ёшли Кадхе эса 796-ўринни эгаллаб турибди.