29 окт 07:57
Янгиликлар
Теннис
Жўрабек Каримов Малайзиядаги турнир финалида ўйнади
Малайзия пойтахти Куала-Лумпур шаҳрида теннис бўйича соврин жамғармаси 15 000 АҚШ долларидан иборат турнир ўз якунига етди.
Ҳозиргина “Фьючерс” туркумига кирувчи ушбу мусобақанинг яккалик баҳслари ғолиби аниқланди. Бир кун аввал жуфтликда бош мукофотни қўлга киритган ҳамюртимиз Жўрабек Каримов яккалик финалида ҳам кортга чиқди.
Истеъдодли ёш теннисчимизнинг рақиби турнирнинг биринчи ракеткаси голландиялик Скотт Гриекспур бўлди. Бир соату 4 дақиқа давом этган финал учрашувида Скотт 6:3, 6:2 ҳисобида зафар қучиб, бош мукофотга эга чиқди.
Таққослаш учун, 19 ёшли Жўрабек дунё рейтингида 1029-ўринни эгаллаб турибди. Турнирнинг биринчи ракеткаси бўлган 26 ёшли Скотт эса 510-поғонадан жой олганди.
Ҳавола :
Манба : olamsport.com
Фикрлар