19 окт 11:22
Янгиликлар
Теннис
Жўрабек Каримов Малайзиядаги турнирда чорак финалга чиқди
Хабар берганимиздек, истеъдодли теннисчимиз Жўрабек Каримов шу кунларда Малайзиянинг Кучинг шаҳри мезбонлик қилаётган “Фьючерс” туркумига кирувчи турнирда иштирок этяпти.
Бундан бир неча дақиқа аввал ҳамюртимиз соврин жамғармаси 15 000 долларни ташкил қилувчи мусобақанинг яккалик баҳслари иккинчи давра учрашувида кортга чиқди. Унинг рақиби ҳиндистонлик Сураж Прабодх бўлди.
Саралаш баҳслари орқали асосий тўрга етиб келган Сураж илк босқичда турнирнинг 7-ракеткаси япониялик Кен Онишини 6:3, 6:4 ҳисобида мағлуб этганди. Жўрабек эса россиялик Александр Мальцевдан 6:1, 6:1 ҳисобида устун келган эди.
Эътиборлиси,
бу сафар ҳам худди шу ҳисоб қайд этилди. Каримов ҳинд теннисчисини 6:1, 6:1
ҳисобида енгиб, чорак финалга йўл олди. Энди у ярим финал чиптаси учун
турнирнинг 3-ракеткаси қозоғистонлик Денис Евсеевга қарши кортга чиқади.
Ҳавола :
Манба : olamsport.com
Фикрлар