06 дек 08:23
Янгиликлар

Теннис

Жўрабек Каримов Қатар турнири яккалигида кортга чиқди

Қатар пойтахти Доҳа шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи ушбу турнирда истеъдодли теннисчимиз Жўрабек Каримов ҳам иштирок этяпти. Ҳамюртимиз жуфтликлар мусобақасида мағлубиятга учраган эди.

Қуръа натижасига кўра теннисчимиз яккаликнинг илк даврасида қатарлик Жаббор Ал-Мутавага қарши кортга чиқди ва рақибини 6:1, 3:6, 6:2 ҳисобида таслим этди. Қатарлик теннисчи асосий тўр баҳсларига имтиёзли йўлланма асосида қўйилган эди.

Энди Жўрабек Каримов чорак финал чиптаси учун кечадиган учрашувда швециялик Маркус Эриксонга қарши кортга чиқади. Турнирнинг учинчи ракеткаси бўлган швед теннисчиси кеча илк даврада россиялик Аслан Карацевни 6:4, 2:6, 6:3 ҳисобида енгди.