04 ноя 10:08
Янгиликлар
Теннис
Жўрабек Малайзия турнири ярим финалида кортга чиқди
Истеъдодли теннисчимиз Жўрабек Каримов Малайзиянинг Куала-Лумпур шаҳрида ўтказилаётган турнирдаги иштирокини якунлади.
“Фьючерс” туркумига кирувчи мусобақанинг соврин жамғармаси 15 000 АҚШ долларини ташкил қилади. Жўрабек бугун ярим финал учрашувида турнирнинг тўртинчи ракеткаси голландиялик Скотт Гриекспурга қарши кортга чиқди.
Биринчи сетда Жўрабек рақибига биронта геймни бой
бермади -
6:0. Лекин кейинги икки сетда чарчаб қолган
ҳамюртимиз Скоттга 1:6, 1:6 ҳисобида имкониятни бой бериб, мусобақадаги
иштирокини якунлади. Ҳозиргина якунига етган ярим финал учрашуви 1 соату 36
дақиқа давом этди.
Маълумот учун, Жўрабек Каримов кеча жуфтлик мусобақасида бош мукофотни қўлга киритганди. Жўрабек дунё рейтингида 730, Скотт эса 505-поғонадан жой олган.
Ҳавола :
Манба : olamsport.com
Фикрлар