18 окт 08:25
Янгиликлар

Теннис

Жўрабек Малайзиядаги иштирокини ғалаба билан бошлади

Истеъдодли теннисчимиз Жўрабек Каримов Малайзиянинг Кучинг шаҳри мезбонлик қилаётган “Фьючерс” туркумига кирувчи турнирда иштирок этяпти.

Ҳамюртимиз соврин жамғармаси 15 000 долларни ташкил қилувчи мусобақанинг яккалик баҳсларидаги илк давра учрашувини ўтказди. Жўрабек россиялик Александр Мальцевга қарши кортга чиқди.

Бу теннисчи саралаш баҳслари орқали асосий тўрга йўлланма олганди. Учрашувда Каримов рақибига ҳеч қандай имконият қолдирмади - 6:1, 6:1. Унинг иккинчи босқичдаги рақиби бугун аниқланади.