02 ноя 08:06
Янгиликлар

Теннис

Жўрабек Малайзиядаги турнирда чорак финалга чиқди

Истеъдодли теннисчимиз Жўрабек Каримов Малайзиянинг Куала-Лумпур шаҳрида ўтказилаётган турнирнинг чорак финалига йўлланма олди.

“Фьючерс” туркумига кирувчи мусобақанинг соврин жамғармаси 15 000 АҚШ долларини ташкил қилади. Жўрабек ҳозиргина якунига етган иккинчи давра баҳсида хитойлик Аоран Вонгни мағлубиятга учратди. Бир соату 6 дақиқа давом этган учрашувда Каримов 6:3, 6:1 ҳисобида зафар қучди.

Маълумот учун, Жўрабек Каримов илк босқич учрашувида мусобақанинг биринчи ракеткаси, Хитой Тайпейи вакили Ти Ченни уч сет натижасига кўра мағлубиятга учратган эди.