01 сен 09:25
Янгиликлар

Теннис

Жўрабек Сербиядаги турнирда иккинчи ғалабасига эришди

Сербиянинг Златибор шаҳрида теннис бўйича соврин жамғармаси 15 000 АҚШ долларидан иборат бўлган турнирнинг асосий тўр баҳслари давом этмоқда.

Ушбу “Фьючерс” туркумига кирувчи мусобақада ҳамюртимиз Жўрабек Каримов ҳам ўз имкониятини синовдан ўтказяпти. Истеъдодли теннисчимиз илк даврада швейцариялик Максимилян Гатев 6:4, 6:2 ҳисобида мағлуб этганди.

Терма жамоамиз аъзоси чорак финал чиптаси учун кечган учрашувда турнирнинг бешинчи ракеткаси, черногориялик Любомир Челобикка қарши баҳс олиб борди ва 6:2, 7:6(2) ҳисобида зафар қучди. Унинг чорак финалдаги рақиби турнирнинг учинчи ракеткаси, хорватиялик Нино Сердарусич бўлади.