29 сен 11:40
Янгиликлар
Теннис
Жўрабек турнирнинг 1-ракеткасини енгиб, ярим финалга чиқди, Санжар ҳам
Қозоғистоннинг Чимкент шаҳрида давом этаётган теннис бўйича соврин жамғармаси 10 минг АҚШ долларидан иборат турнир ўзининг ҳал қилувчи палласига кирди.
Бугун ушбу мусобақада ярим финалчилар аниқланмоқда. Турнирнинг учинчи ракеткаси сифатида эътироф этилган ҳамюртимиз Санжар Файзиев бугун чорак финалда Виктор Балудани 7:6(3), 6:4 ҳисобида мағлуб этди. Россиялик бу теннисчи турнирнинг олтинчи ракеткаси ҳисобланарди.
Яна бир теннисчимиз Жўрабек Каримов ҳам бугун ярим финал йўлланмасини қўлга киритди. Турнирнинг еттинчи ракеткаси бўлган Жўрабек чорак финалда мусобақанинг биринчи рақамли теннисчиси болгариялик Димитар Кузмановни 2:6, 7:6(6), 6:4 ҳисобида мағлубиятга учратди.
Ҳавола :
Манба : olamsport.com
Фикрлар