23 май 09:45
Янгиликлар

Теннис

Жўрабек Украинада италиялик теннисчига қарши кортга чиқади

Украинанинг Ривне шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи мусобақада истеъдодли теннисчимиз Жўрабек Каримов ҳам муваффақиятли иштирок этяпти. Ҳамюртимиз саралаш мусобақасида икки ғалабага эришиб, асосий тўрга йўл олганди.

Асосий тўрнинг илк даврасида у турнирнинг биринчи ракеткаси украиналик Артём Смирновни 6:3, 6:2 ҳисобида таслим этди. Энди Жўрабек иккинчи босқич учрашувида италиялик Андреа Бессирега қарши кортга чиқади.

Андреа ҳам асосий тўрга саралаш баҳслари орқалиб етиб келган. У илк даврада асосий тўрга имтиёзли равишда қўйилган украиналик Богдан Диденкодан 6:1, 6:0 ҳисобида устун келди. Жўрабек ATP рейтингида 504-ўринда бормоқда. Бессире эса деярли 1400 поғона пастда жойлашган.