26 окт 09:36
Янгиликлар

Теннис

Жўрабекнинг чорак финалдаги рақиби маълум

Хабар берганимиздек, шу кунларда Малайзия пойтахти Куала-Лумпур шаҳрида теннис бўйича соврин жамғармаси 15 000 АҚШ долларидан иборат бўлган турнир давом этмоқда.

“Фьючерс” туркумига кирувчи мусобақада иштирок этаётган ҳамюртимиз Жўрабек Каримов яккалик баҳсларида чорак финал йўлланмасини қўлга киритганди. Унинг ярим финал чиптаси учун кечадиган учрашувдаги рақиби маълум бўлди.

Ҳиндистонлик Аржун Кадхе турнирнинг иккинчи ракеткаси Денис Евсеевни мағлубиятга учратди. Аниқроғи, қозоғистонлик теннисчи иккинчи сетнинг иккинчи геймидан сўнг баҳсни давом эттира олмаслигини маълум қилди. Бу вақтга келиб Кадхе 7:5, 2:0 ҳисобида олдинда бораётганди.

Маълумот учун, ўтган ҳафта Малайзиядаги турнирда бош мукофотни қўлга киритган 19 ёшли Жўрабек дунё рейтингида 1029, 23 ёшли Кадхе 796-ўринни эгаллаб турибди.