19 июл 11:08
Янгиликлар

Бокс/ММА

Жошуа Уайлдерга қарши жангга ўз имзоси билан розилик берди

Супероғир вазн тоифасида учта йўналиш чемпиони бўлиб турган Энтони Жошуа WBC чемпиони Деонтей Уайлдер билан жанг шартномасига имзо чекди.

Бу ҳақда британиялик жаҳон чемпиони Нью-Йоркда бўлиб ўтган матбуот анжуманида хабар берди. Бирлаштирувчи чемпионлик жанги келаси йилнинг 13 апрель куни Лондондаги “Уэмбли” стадионида ўтказилади. Энди фақат америкалик боксчининг шартномага ўз имзосини қўйиши қолди, холос.

“Мен жанг санаси учун стадионни “брон” қилдирдим ва шартномага имзо чекдим. Энди ҳамма гап Уайлдернинг ўзида қолди. Деонтей шартномага имзо қўйган куни бирлаштирувчи чемпионлик жангининг ўтказилиши расман эълон қилинади”, - деди Жошуа.

Эслатиб щтамиз, Энтони Жошуа 22 сентябрь куни айнан “Уэмбли” стадионида WBA чемпионлик камарини расмий даъвогар россиялик Александр Поветкиндан ҳимоя қилади.