03 июл 12:06
Янгиликлар

Бокс/ММА

Жозеф Паркер: “Жошуа Уайлдер билан жангга тайёр эмаслигини билади”

Супероғир вазн тоифасида собиқ жаҳон чемпиони Жозеф Паркер WBC чемпиони Деонтей Уайлдерни ушбу вазннинг энг кучли боксчи деб ҳисобламоқда.

Зеландиялик боксчининг фикрича, америкалик Уайлдер айни пайтда WBA, IBF ва WBO йўналишлари чемпиони британиялик Энтони Жошуадан кучлироқ экан.

“Очиғи, Уайлдер - Жошуа жанги юзасидан ўтказилган музокараларнинг омадсиз якунланганидан хайратга тушдим. Энтони менга қарши кечган жанг якунланиши билан Уайлдерни рингга чорлаганди. Ўша шижоат ва мардликни ҳозир Жошуада кўрмаяпман.

Афтидан у бу жангга тайёр эмаслигини тушуниб етди. Шу сабабли ҳам турли йўллар билан бирлаштирувчи чемпионлик жангидан қочишга уриняпти. Деонтей эса Энтонига қарши бугуноқ рингга чиқишга тайёр. Уайлдернинг бош мақсади бу дивизиондаги барча чемпионлик камарларини ўз қўлида бирлаштириш”, - деди Паркер.