28 мар 09:20
Янгиликлар

Бокс/ММА

Жозеф Паркер: “Янги Зеландияга чемпионлик камарлари билан қайтаман”

Супероғир вазн тоифасида WBO йўналиши чемпиони Жозеф Паркер ўзининг Энтони Жошуа устидан ғалаба қозонишига ишонаётганини маълум қилди.

“Ўзимни жангга ҳар томонлама тайёр хис қиляпман. Менда ишонч юқори ва ғалаба қозонишимга ишоняпман. Янги Зеландияга жаҳон чемпионлик камарлари билан қайтаман. Мен ёш ва тезкорман. Бу ерга шунчаки битта жанг ўтказиб кетиш учун келмадим. Ниятим жиддий”, – деди Паркер.

Эслатиб ўтамиз, Жошуа ва Паркер ўртасидаги бирлаштирувчи чемпионлик жанги 31 март куни Уэллс пойтахти Кардифф шаҳридаги “Миллэниум” стадионида бўлиб ўтади.