09 окт 13:12
Янгиликлар
Бокс/ММА
Калифорниядаги олтовлон ёхуд АҚШдаги проф боксчиларимиз сони ортиб боряпти + ФОТО
Америка заминида фаолиятини профессионал бокс йўналишида давом эттираётган чарм қўлқоп усталаримиз сони ортиб боряпти.
Россиянинг "Мир Бокса" промоутерлик компанияси билан ҳамкорлик қилаётган ҳамюртларимиз ҳозирда Калифорнияда машғулотларни ўтказишяпти. Боксчиларимиз билан мураббийларимиздан бири Тўлқин Қиличев ҳам машғулот ўтказяпти.
Бугунги кунда Америкада чарм қўлқоп усталаримиздан Баҳодир Жалолов, Санжар Турсунов, Муроджон Аҳмадалиев, Элнур Абдураимов, Маҳмуд Ғоипов ҳамда уларнинг сафига яқиндагина бориб қўшилган Исроил Мадримов проф бокс билан шуғулланяпти.
Боксчиларимиздан Санжар Турсунов, Маҳмуд Ғоипов, Исроил Мадримов ҳали проф рингда жанг ўтказишмади. Қолган ҳамюртларимиз камида битта жанг ўтказиб улгуришди. Бу боксчиларимиздан ташқари океан ортида Шаҳрам Ғиёсов ва Қудратилло Абдуқаҳҳоров ҳам проф рингдаги фаолиятини олиб боряпти.
Ҳавола :
Манба : olamsport.com
Фикрлар