31 авг 07:20
Янгиликлар

Теннис

Камола Умарова Алматидаги иштирокини якунлади

Қозоғистоннинг Алмати шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.

Соврин жамғармаси 25 000 АҚШ долларини ташкил қилувчи мусобақада бир гуруҳ теннисчи қизларимиз ҳам ўз имкониятларини синовдан ўтказишяпти. Саралаш баҳслари орқали асосий тўрга етиб келган Камола Умарова иккинчи даврада ўз юришини тўхтатди.

Истеъдодли теннисчимиз чорак финал йўлланмаси учун кечган учрашувда турнирнинг бешинчи ракеткаси, россиялик Полина Лейкинага 5:7, 3:6 ҳисобида имкониятни бой бериб қўйди. Камола биринчи даврада қозоғистонлик Дарья Детковскаядан 6:1, 6:0 ҳисобида устун келган эди.