Канело Головкинга қарши трилогия ҳақида: "Бундай қилишга мажбур эмасдим"

— Вазн йиққанингизга қарамай, сиз бу жангга мағлуб бўлган ҳолда кирасиз...

— Ҳеч ким ютқазишни ёқтирмайди. Лекин, мен таваккал қилдим ва ўзим билан фахрланаман. Бундай қилишга мажбур эмасдим. Лекин, барибир бу ишни бажардим. Сабаби қийинчиликни яхши кўраман ва бундан фахрланаман. Мағлубиятдан кейин хафа бўлдим, имкониятдан фойдалана олмадим. Аммо, таваккал қилдим, сабаби буюк боксчи бўлишни хоҳлайман ва бунга ҳаракат қиламан. Бу йўлда кўп қийинчиликларга дуч келдим.

— Биламан, сиз Геннадийга оддий рақиб сифатида қарамайсиз. У кучли боксчи. Лекин, бу жангдан кейин Бивол билан реванш бўлишини хоҳлайсизми?

— Айтганимдек, мен юз фоиз эътиборимни шу жангга қаратганман. Сабаби бу катта аҳамиятга эга. Аммо, Бивол билан реванш жанги ўтказишни мақсад қилганман.