Канелонинг Головкин билан трилогиядан сўнг ким билан жанг қилмоқчи экани айтилди

"Нима учун сиз бу йигитни буюк бўлишга ҳаракат қилаётгани учун танқид қилмоқчисиз? Аслида сиз: "Бу жангни қабул қилма, у жуда ҳам кучли", - деб айтгансиз. Бу қандай спорт тури бўлди ўзи, жангчиларни катта чорловларни қабул қилгани учун танқид қилсак?

У бошқача йўл тутмоқчи, ўзини синаб кўрмоқчи. Сени мағлуб этишса: "Бу даҳшатли хато. Сен бундай қилмаслигинг керак эди. Ўз вазнингда енгилроқ жангда иштирок этишинг керак эди", - дейишади. Қандай зерикарли.

Бу ҳамма ишни қойиллатиб бўлган йигит. Биз унинг буюкликка ҳаракат қилаётганини ҳурмат қилишимиз керак. У Головкин билан жанг қилиш учун қайтади, кейин дарҳол Бивол билан реванш жангини ўтказмоқчи. Агар у Биволни мағлуб этса, унда нима деймиз? У барча даврларнинг энг буюк жангчиларидан биридир", - дея Хирннинг сўзларини келтиради BoxingScene нашри.

Эслатиб ўтамиз, Сауль Альварес сўнгги бор 8 май тонгида Дмитрий Биволга қарши, Геннадий Головкин эса 9 апрель куни Риото Муратага қарши жанг қилган эди.

Аввалроқ, Эдди Хирн сурероғир вазннинг тарихдаги энг яхши боксчилари рўйҳатини тузиб чиққан эди.