Карантиндаги тўғри овқатланиш тамойиллари

Шунинг учун уйда вақтни самарали ташкил этиш ва соғлом кун тартибини яратишга ёрдам берадиган қоидаларга риоя қилиш муҳимдир.

Ортиқча вазнни тўпламаслик ва иммунитетни мустаҳкамлаш учун карантинда овқатланишни қандай ташкил қилиш керак? – Тавсиялар жуда оддий.

Биринчидан, кунлик овқатланиш менюси асосий қоидаларига риоя қилинг:

1. Тез-тез ва кам порцияларда овқатланишга ҳаракат қилинг. Бунинг учун кунлик менюни учта асосий овқат ва бир-иккита газакка бўлинг.

Маълум бир жадвалга одатлансак, танамиз учун самарали бўлади. Овқатланиш орасидаги энг кам танаффуслар жадвалини тузинг – 3-3,5 соат:

• нонушта – уйғонганидан кейин бир соат ичида;

• Кечки овқат – ётишдан 3-4 соат олдин, лекин 20:00дан кечикмай;

• Тушлик – куннинг ярмида.

2. Ёғлар, шакар, газланган ва шарбатли ичимликлар, хамир маҳсулотлари, чипслар, майонез ва ҳар қандай қайта ишланган гўшт маҳсулотларини истеъмол қилишни чекланг.

3. Кўпроқ сув ичинг. Оптимал миқдор кунига 2 литрни ташкил этади, шу билан бирга танангизнинг вазн, бўй ва ёш хусусиятларини ҳисобга олишингиз керак.

4. Менюга кўпроқ витаминлар ва паст калорияли овқатлар қўшинг.

5. Кофеинни истеъмол қилишни камайтиринг. Иложи бўлса, уни бутунлай истеъмолдан чиқариб ташланг. Қаҳвадан воз кечиш вазн борасидаги ташвишланишни камайтиради.

6. Спиртли ичимликлардан воз кечинг. Алкогол тўғридан-тўғри иммунитетимиз душмани саналади. Бундан ташқари, маст бўлганимизда, кўпроқ ёғли ва ширин таомларни истеъмол қилишга мойил бўламиз.

7. Фақат ошхонада овқатланинг! На компьютер олдида, на иш жойида, на телесериални томоша қилиш чоғида. Ошхона сиртлари тозалигини кузатишни унутманг.

8. Полуфабрикатлардан камроқ фойдаланинг. Бўш вақтингизни пиширишга сарфланг ва ўзингизни уйда тайёрланган овқатга мосланг.

9. Масаллиқларнинг амал қилиш муддатини кузатиб боринг. Тартибсиз харидлар маҳсулотлар бузилиши ва натижада кишини заҳарланишига олиб келиши мумкин.

10. Тузни истеъмол қилишни чекланг. Янги чиққан озиқ-овқат маҳсулотлари олиш чекланганлиги сабабли сиз кўпроқ консерваланган, музлатилган ёки қайта ишланган таомларни истеъмол қилишингизга тўғри келади. Уларнинг аксарияти ортиқча туз (натрий) билан ажралиб туради. Тавсия этилган туз миқдори кунига 5 граммдан кам бўлсин. Шундан ошмаслиги учун таркибида оз миқдордаги ёки тузсиз маҳсулотларга эътибор беринг.