04 ноя 14:22
Янгиликлар

Бокс/ММА

"Менга ҳурматсизлик қилма!" Нганну — Жейк Полнинг Дэвисни алмаштириш таклифи ҳақида

Оғир вазнда собиқ UFC чемпиони, ҳозирда PFL жангчиси бўлган Фрэнсис Нганну блогер ва боксчи Жейк Полнинг таклифига жавоб берди.

Пол енгил вазнда мағлубиятсиз келаётган WBA-Super чемпиони Жервонта Дэвисга қарши жанги бекор бўлганидан кейин ўзига янги рақиб излашга тушди. Оғир вазн тоифаси WBO рейтингида 14-ўринни эгаллаб турган Жейк Пол камерунлик 39 ёшли Нганнуга ҳам таклиф жўнатди.

"Улар Жервонта Дэвисдан Фрэнсис Нганнуга қандай ўтишган бўлиши мумкин? Бу бемаънилик-ку! Мен жуда довдираб қолдим. Йўқ, оғайни. Менга бундай ҳурматсизлик қилма. Бу жанг мен учун қизиқ эмас", - дея Нганнунинг сўзларини келтиради Х ижтимоий тармоғидаги Happy Punch аккаунти.