04 ноя 13:40
Янгиликлар

Футбол

"Эльче" — тарихда "Барселона"дан кўпроқ тўп назоратига эга бўлган илк янги жамоа

Испаниянинг "Эльче" клуби Ла Лига тарихида "Барселона"га қарши ўйинда тўпни кўпроқ назорат қилган илк дебютант жамоага айланди.

Каталонияликлар ўз майдонида "Эльче" жамоасини 3:1 ҳисобида мағлуб этган бўлса-да, статистикада тарихий натижани қайд этди.

Opta Sport портали маълумотларига кўра, "Эльче" учрашувда тўпни 51 фоиз вақт назорат қилган, "Барселона" эса 49 фоиз билан чекланган. Бу каби ҳолат Ла Лигада 2005/2006 йил мавсумида тўп назорати бўйича аниқ статистика юритила бошланганидан бери илк марта кузатилди.

Ғалабадан сўнг "Барселона" жадвалда иккинчи ўринга кўтарилиб, 11 ўйиндан сўнг очколар сонини 25 тага етказди. "Эльче" эса 14 очко билан Испания чемпионати жадвалида тўққизинчи поғонада жойлашган.